sona

nasin seme la mi ken kama sona luka pona?

sina ken kama sona kepeken nasin mute. taso suli la, sina o kepeken luka pona lon poka pi jan ante. o lukin kama lon tenpo kulupu.

sina lon ala kulupu la o lukin e lipu nasin. o kama sona e nimi ale kepeken lipu nimi.

sina wile sona e ijo la o toki lon ilo Siko:

• lon ‘ma pona pi toki pona’ lon tomo #luka-pona
• lon ‘ma pi kama sona’ lon tomo ‘#luka-pona’

kin la, o kama sona e ni: jan li kepeken toki luka seme lon poka ma sina? sina ken kama sona e toki luka ni kepeken nasin seme?

lipu nasin

nasin toki pi luka pona li lipu pi toki sitelen tan jan Olipija.

sona open pi luka pona li sitelen tawa tan jan Lakuse.

lipu nimi

nimi ale pi luka pona li sitelen tawa tan jan Olipija.

nimi.li o lukin e nimi ale pi luka pona lon lipu wan. lipu li tan ilo Tani.

ilo pi nimi ale la sina o pana e nimi. ilo li pana e sona nimi luka. ilo li tan jan Ke Tami.

sitelen tawa pi luka pona

luka mute lon kulupu pi toki pona li toki e ni: luka pona li kama lon kepeken nasin seme. ona li sitelen tawa pi jan Olipija